sochaa thaa ki us bazm mein khaamosh raheinge — Mohsin Bhopali

sadaa-e-vaqt ki gar baaz-gasht san paao
mire khayaal ko tum shaairaana kah denaa

hamaari jaan pe dohraa azaab hai 'mohsin'
ki dekhnaa hi nahin ham ko sochnaa bhi hai

iblaagh ke liye na tum akhbaar dekhnaa
ho justuju to kucha-o-baazaar dekhnaa

zindagi gul hai naghma hai mahtaab hai
zindagi ko faqat imtihaan mat samajh

kyaa khabar thi hamein ye zakhm bhi khaanaa hogaa
tu nahin hogaa tiri bazm mein aanaa hogaa

is liye suntaa huun 'mohsin' har fasaana ghaur se
ik haqiqat ke bhi ban jaate hain afsaane bahut

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ab to aaraam karein sochti aankhein meri
raat kaa aakhiri taaraa bhi hai jaane vaalaa

chhiDaa jab un ke ghar jhagDaa to un ki aql chakraai
jo suljhaate rahe the umr-bhar baazaar kaa jhagDaa

taa-umr apni fikr o riyaazat ke baavajud
khud ko kisi sazaa se bachaanaa muhaal hai

tu nahin paas tiri yaad to hai
tu hi to sujhe jahaan tak sochun