vo aaein ham se dalil maangein — Mukhtar Tilhari

miri hansi ko sar-e-bazm sah liyaa us ne
phir us ke baa'd akele mein intiqaam liyaa

jis vaqt huaa karti hai bechain tabiat
us vaqt bayaabaan se lagte hain chaman bhi

hamaari samt se be-raghbati na kar varna
tire baghair qaraar aa gayaa to kyaa hogaa

dil dukhaanaa miraa nahin maqsad
haq-bayaani miri nahin jaati

un se baatein karte karte dil mein Tiis chamak uTThi thi
lafzon par phulon ki ridaa thi maani mein nashtar pinhaan the

miTaanaa chaahun to mumkin kahaan miTaa bhi sakun
vo ek baal jo aaina-e-khayaal mein hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

kaun samjhe ham pe kyaa guzri hai 'naqsh'
dil laraz uThtaa hai zikr-e-shaam se

'azfari' ghuncha-e-dil band aur aai hai bahaar
sair-e-gul ko ki ye shaayad ba-takalluf khil le

dil kaun hai ki us se kahein raaz-e-ishq ham
tere khayaal se bhi na ham guftugu karein