jis vaqt huaa karti hai bechain tabiat — Mukhtar Tilhari

miri hansi ko sar-e-bazm sah liyaa us ne
phir us ke baa'd akele mein intiqaam liyaa

hamaari samt se be-raghbati na kar varna
tire baghair qaraar aa gayaa to kyaa hogaa

dil dukhaanaa miraa nahin maqsad
haq-bayaani miri nahin jaati

vo aaein ham se dalil maangein
jo kah rahe hain khudaa nahin hai

un se baatein karte karte dil mein Tiis chamak uTThi thi
lafzon par phulon ki ridaa thi maani mein nashtar pinhaan the

miTaanaa chaahun to mumkin kahaan miTaa bhi sakun
vo ek baal jo aaina-e-khayaal mein hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

umr kaa lambaa hissa kar ke daanaai ke naam
ham bhi ab ye soch rahe hain paagal ho jaaein

dil par bhi aao ek nazar Daalte chalein
shaayad chhupe hue hon yahin din bahaar ke

vaaqia ye hai ki rasta aur viraan ho gayaa
peD to apni taraf se phuul barsaate rahe