yahi hai zindagi kuchh khvaab chand ummidein — Nida Fazli

ek be-chehra si ummid hai chehra chehra
jis taraf dekhiye aane ko hai aane vaalaa

kuchh bhi bachaa na kahne ko har baat ho gai
aao kahin sharaab piyein raat ho gai

apne lahje ki hifaazat kijiye
sher ho jaate hain naa-maalum bhi

ghi misri bhi bhej kabhi akhbaaron mein
kai dinon se chaae hai kaDvi yaa allaah

zaruri kyaa har ik mahfil mein baiThein
takalluf ki ravaa-daari se bachiye

yuun to qadam qadam pe hai divaar saamne
koi na ho to khud se ulajh jaanaa chaahiye

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

use zid ki 'vaamiq'-e-shikva-gar kisi raaz se na ho baa-khabar
mujhe naaz hai ki ye dida-var miri umr bhar ki talaash hai

hamaari zindagi kahne ki had tak zindagi hai bas
ye shiraaza bhi dekhaa jaae to barham hai barson se

gharib ko havas-e-zindagi nahin hoti
bas itnaa hai ki vo izzat se marnaa chaahtaa hai