malak-ul-maut moazzin hai miraa vasl ki raat — Munshi Debi Parshad Sahar Badayuni

jo tere gunah bakhshegaa vaaiz vo mire bhi
kyaa teraa khudaa aur hai bande kaa khudaa aur

hidaayat shaikh karte the bahut bahr-e-namaaz akasr
jo paDhnaa bhi paDi to ham ne Taali be-vazu barson

hujum-e-ranj-o-gham-o-dard hai marun kyunkar
qadam uThaaun jo aage kushaada raah mile

aankh apni tiri abru pe jami rahti hai
roz is bait pe ham saad kiyaa karte hain

har ik fiqre pe hai jhiDki to hai har baat par gaali
tum aise khub-surat ho ke itne bad-zabaan kyuun ho

na laDaao nazar raqibon se
kaam achchhaa nahin laDaai kaa

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shab-e-siyaah ke maathe pe likh rahaa huun main
zavaal-e-aadam-e-khaaki ki daastaan hanuz

meraa suqraat ko paDhnaa bhi qayaamat Thahraa
zahr de kar mire apnon ne mujhe maar diyaa