namali aur na duudi hai na manshaari hai — Mushafi Ghulam Hamdani

ham bhi ai jaan-e-man itne to nahin naakaara
kabhi kuchh kaam tu ham ko bhi to farmaayaa kar

jitnaa ki ye duniyaa mein hamein khvaar rakhe hai
itne to gunahgaar zamaane ke nahin ham

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

lailaa chali thi haj ke liye jazb-e-ishq se
naaqa machal ke najd ki manzil mein rah gayaa

apni to is chaman mein nit umr yunhi guzri
yaan aashiyaan banaayaa vaan aashiyaan banaayaa

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

vo log jo ki 'ishq ke ab tak asiir the
guzri kahaaniyon ke fasaane lage mujhe

ghaur se dekho mujhe aur phir kaho
kaise kaison ko mohabbat khaa gai

roz milne pe bhi lagtaa thaa ki jug biit gae
ishq mein vaqt kaa ehsaas nahin rahtaa hai

haath rakh kar jo vo puchhe dil-e-betaab kaa haal
ho bhi aaraam to kah duun mujhe aaraam nahin