uThte joban pe khil paDe gesu — Muztar Khairabadi

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

un kaa ik patlaa saa khanjar un kaa ik naazuk saa haath
vo to ye kahiye miri gardan khushi mein kaT gai

tum agar chaaho to miTTi se abhi paidaa hon phuul
main agar maangun to dariyaa bhi na de paani mujhe

zulf ko kyuun jakaD ke baandhaa hai
us ne bosa liyaa thaa gaal kaa kyaa

mire dil ne jhaTke uThaae hain kitne ye tum apni zulfon ke baalon se puchho
kaleje ki choTon ko main kyaa bataaun ye chhaati pe lahraane vaalon se puchho

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

biich dariyaa mein utar kar dekhiye
'ishq-dariyaa mein kinaare kuchh nahin

husn-e-qismat se hamesha 'fitrat'
bakht bedaar rahaa khvaabon mein

yahi zamaana-e-haazir ki kaaenaat hai kyaa
dimaagh raushan o dil tiira o nigah bebaak

raat din tu hai miri aaghosh mein
main tiraa saahil miraa dariyaa hai tu

tiraa chaDhaa huaa dariyaa samajh mein aataa hai
tire khamosh kinaare nahin samajhtaa huun