zamaana aql ko samjhaa huaa hai mishal-e-raah — Allama Iqbal

tire ishq ki intihaa chaahtaa huun
miri saadgi dekh kyaa chaahtaa huun

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

nahin is khuli fazaa mein koi gosha-e-faraaghat
ye jahaan ajab jahaan hai na qafas na aashiyaana

nahin teraa nasheman qasr-e-sultaani ke gumbad par
tu shaahin hai baseraa kar pahaaDon ki chaTaanon mein

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

baatil se dabne vaale ai aasmaan nahin ham
sau baar kar chukaa hai tu imtihaan hamaaraa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

dekhi hai ek film puraani to yuun lagaa
jaise ki koi kaam kiyaa hai savaab kaa

'momin-miyaan' ye kaam nahin hai ye ishq hai
kyaa soch mein paDe ho karun yaa karun nahin

jis bhi fankaar kaa shahkaar ho tum
us ne sadiyon tumhein sochaa hogaa

himmat vaale pal mein badal dete hain duniyaa ko
sochne vaalaa dil to baiThaa sochaa kartaa hai