ab 'umr kaa ehsaas dilaane lage jugnu — Muzaffar Hanfi

aangan mein ye raat ki raani saanpon kaa ghar kaaT ise
kamra albatta suunaa hai kone mein guldaan lagaa

roti hui ek bhiiD mire gird khaDi thi
shaayad ye tamaasha mire hansne ke liye thaa

shukriya reshmi dilaase kaa
tiir to aap ne bhi maaraa thaa

bachpan mein aakaash ko chhutaa saa lagtaa thaa
is pipal ki shaakhein ab kitni nichi hain

bataaein kyaa ki bechaini baDhaate hain vahi aa kar
bahut bechain ham jin ke liye maalum hote hain

bheDiye aur ishtiraak-shudaa
biich mein ik hiran halaak-shudaa

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

jaise ho umr bhar kaa asaasa gharib kaa
kuchh is tarah se main ne sambhaale tumhaare khat

saans lene ko hi jiinaa nahin kahte hain 'zafar'
zindagi thi jo tire vasl kaa imkaan hotaa

haae ye tavil o sard raatein
aur ek hayaat-e-mukhtasar mein