ye intizaar na Thahraa koi balaa Thahri — Naseem Amrohvi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

hudud-e-vaqt se baahar ajab hisaar mein huun
main ek lamha huun sadiyon ke intizaar mein huun

tamaam umr tiraa intizaar kar leinge
magar ye ranj rahegaa ki zindagi kam hai

tere aane kaa intizaar rahaa
umr bhar mausam-e-bahaar rahaa