tere aane kaa intizaar rahaa — Rasa Chughtai

jin aankhon se mujhe tum dekhte ho
main un aankhon se duniyaa dekhtaa huun

miTTi jab tak nam rahti hai
khushbu taaza-dam rahti hai

aur kuchh yuun huaa ki bachchon ne
chhinaa-jhapTi mein toD Daalaa mujhe

huiin aankhein ajab behaal ab ke
ye baarish kar gai kangaal ab ke

dil dhaDaktaa hai sar-e-raah-e-khayaal
ab ye aavaaz jahaan tak pahunche

hai koi yahaan shahr mein aisaa ki jise main
apnaa na kahun aur vo apnaa mujhe samjhe

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

use zid ki 'vaamiq'-e-shikva-gar kisi raaz se na ho baa-khabar
mujhe naaz hai ki ye dida-var miri umr bhar ki talaash hai

hai jis ki Thokaron mein aab-e-zindagi 'vaamiq'
vo tishnagi kaa samundar dikhaai detaa hai

hamaari zindagi kahne ki had tak zindagi hai bas
ye shiraaza bhi dekhaa jaae to barham hai barson se