do chaar manzilon hi pe saansein ukhaD gaiin — Nashtar Amrohvi

durgat bane hai chaae mein biscuit ki jis tarah
shaadi ke baa'd logo vahi meraa haal hai

khaa kar ye haal ho gayaa hotel ki roTiyaan
jaise ki haDDiyon pe manDhi meri khaal hai

us ne thaane mein rapaT kuchh aisi likhvaai ki bas
phir police ne ki miri aisi paziraai ki bas

bachchon se munh ko moD ke begam to so gaiin
su-su har ik ko main ne karaayaa tamaam raat

vo motiyon se daant vo lambe siyaah baal
naqli thaa saaraa maal pata chal gayaa mujhe

din mein to kah rahi thi ki tum mere sher ho
aur us ke baa'd ullu banaayaa tamaam raat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yuun to maujud apne ghar mein hai
aadmi mustaqil safar mein hai

meri taqdir mein manzil nahin hai
ghubaar-e-kaarvaan hai aur main huun

safar mein aise kai marhale bhi aate hain
har ek moD pe kuchh log chhuT jaate hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

us musaafir ki naqaahat kaa Thikaana kyaa hai
sang-e-manzil jise divaar nazar aane lage