us musaafir ki naqaahat kaa Thikaana kyaa hai — Saifuddin Saif

husn jalva dikhaa gayaa apnaa
ishq baiThaa rahaa udaas kahin

'saif' andaaz-e-bayaan rang badal detaa hai
varna duniyaa mein koi baat nai baat nahin

shor din ko nahin sone detaa
shab ko sannaaTaa jagaa detaa hai

zindagi kis tarah kaTegi 'saif'
raat kaTti nazar nahin aati

ye aalaam-e-hasti ye daur-e-zamaana
to kyaa ab tumhein bhuul jaanaa paDegaa

hamein khabar hai vo mehmaan ek raat kaa hai
hamaare paas bhi saamaan ek raat kaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yuun to maujud apne ghar mein hai
aadmi mustaqil safar mein hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

meri taqdir mein manzil nahin hai
ghubaar-e-kaarvaan hai aur main huun

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar