pahaaDon se chali phir koi aandhi — Nasir Kazmi

kuchh yaadgaar-e-shahr-e-sitamgar hi le chalein
aae hain is gali mein to patthar hi le chalein

vo raat kaa be-navaa musaafir vo teraa shaair vo teraa 'naasir'
tiri gali tak to ham ne dekhaa thaa phir na jaane kidhar gayaa vo

akele ghar se puchhti hai be-kasi
tiraa diyaa jalaane vaale kyaa hue

girafta-dil hain bahut aaj tere divaane
khudaa kare koi tere sivaa na pahchaane

jurm-e-ummid ki sazaa hi de
mere haq mein bhi kuchh sunaa hi de

nae kapDe badal kar jaaun kahaan aur baal banaaun kis ke liye
vo shakhs to shahr hi chhoD gayaa main baahar jaaun kis ke liye

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

paar dariyaa-e-shahaadat se utar jaate hain sar
kashti-e-ushshaaq ki mallaah ban jaati hai tegh

ho gayaa charkh-e-sitamgar kaa kaleja ThanDaa
mar gae pyaas se dariyaa ke kinaare bachche

muddaton baa'd pashemaan huaa dariyaa ham se
muddaton baa'd hamein pyaas chhupaani aai

pyaas dariyaa ki nigaahon se chhupaa rakkhi hai
ek baadal se baDi aas lagaa rakkhi hai

jise tum chaah kar bhi paar hargiz kar nahin paae
mein TuTi-phuTi kashti se vo dariyaa paar kartaa thaa