raat kitni guzar gai lekin — Nasir Kazmi

kuchh yaadgaar-e-shahr-e-sitamgar hi le chalein
aae hain is gali mein to patthar hi le chalein

vo raat kaa be-navaa musaafir vo teraa shaair vo teraa 'naasir'
tiri gali tak to ham ne dekhaa thaa phir na jaane kidhar gayaa vo

akele ghar se puchhti hai be-kasi
tiraa diyaa jalaane vaale kyaa hue

girafta-dil hain bahut aaj tere divaane
khudaa kare koi tere sivaa na pahchaane

jurm-e-ummid ki sazaa hi de
mere haq mein bhi kuchh sunaa hi de

nae kapDe badal kar jaaun kahaan aur baal banaaun kis ke liye
vo shakhs to shahr hi chhoD gayaa main baahar jaaun kis ke liye

ye to apnaa apnaa hai hausla ye to apni apni uDaan hai
koi uD ke rah gayaa baam tak koi kahkashaan se guzar gayaa

aap ko kho ke tum ko DhunDh liyaa
hausla thaa ye mere hi dil kaa

himmat hai to buland kar aavaaz kaa alam
chup baiThne se hal nahin hone kaa masala

aariz se tire subh ki tohmat na uThegi
zulfon pe tiri shaam kaa ilzaam rahegaa

ham ki rakhte hain aasmaan ki talab
aur uDne kaa hausla bhi nahin

ik lahar us ki aankh mein hai hausla-shikan
ik rang us ke chehre pe bahkaane vaalaa hai