himmat hai to buland kar aavaaz kaa alam — Zia Jalandhari

buraa na maan 'ziyaa' us ki saaf-goi kaa
jo dard-mand bhi hai aur be-adab bhi nahin

rang baatein karein aur baaton se khushbu aae
dard phulon ki tarah mahke agar tu aae

ishq mein bhi koi anjaam huaa kartaa hai
ishq mein yaad hai aaghaaz hi aaghaaz mujhe

ye aansu ye pashemaani kaa izhaar
mujhe ik baar phir bahkaa gai ho

tu koi sukhaa huaa patta nahin hai ki jise
jis taraf mauj-e-havaa chaahe uDaa kar le jaae

abr-e-aavaara se mujh ko hai vafaa ki ummid
barq-e-betaab se shikva hai ki paainda nahin

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

meri nigaah-e-fikr mein 'anvar'
ishq fasaana husn hai uryaan

tumhein ye gham hai ki ab chiTThiyaan nahin aatin
hamaari socho hamein hichkiyaan nahin aatin

pahle talaash kijiye manzil ki rahguzar
phir sochiye ki raah mein divaar kaun hai

main sach to boltaa huun magar ai khudaa-e-harf
tu jis mein sochtaa hai mujhe vo zabaan de