hangaama-e-hayaat se lenaa to kuchh nahin — Natiq Gulavthi

mujh se naaraaz hain jo log vo khush hain un se
main judaa chiiz huun 'naatiq' mire ashaar judaa

vahaan se le gai naakaam badbakhton ko khud-kaami
jahaan chashm-e-karam se khud-ba-khud kuchh kaam honaa thaa

aati hai yaad subh-e-masarrat ki baar baar
khurshid aate aate use kal uThaa to laa

sab ko ye shikaayat hai ki hanstaa nahin 'naatiq'
ham ko ye taajjub ki vo giryaan nahin hotaa

na mai-kashi na ibaadat hamaari aadat hai
ki saamne koi kaam aa gayaa to kar lenaa

kuchh nahin achchhaa to duniyaa mein buraa bhi kuchh nahin
kijiye sab kuchh magar apni zarurat dekh kar

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

haasil-e-zindagi hai vo lamha
jab tu mujh se lipaT ke royaa thaa

jahaan lab ye chup hon nazar kah rahi ho
vahaan bhi tasavvur mein kuchh zindagi ho

ik roz khel khel mein ham us ke ho gae
aur phir tamaam umr kisi ke nahin hue