haasil-e-zindagi hai vo lamha — Vibha Jain 'Khwaab'

us ko sochun to dhyaan mein mere
khushbu aati hai pahli baarish ki

yaa to khud ko sipurd-e-'ishq na kar
yaa jo hotaa hai phir malaal na puchh

phir vahi raat vahi chaand vahi tum vahi main
kyaa kisi chhat ke muqaddar mein likhe jaaeinge

kyon koi kokh jo suuni ho vo sharminda ho
kyaa zaruri hai ki har siip se moti nikle

zindagi yuun to nayaa lafz nahin hai lekin
vaqt ke saath nae is ke ma'aani nikle

phir chhu gayaa hai pyaar se koi zamin-e-dil
khilne lage hain dasht mein phir mogre ke phuul

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

vaqt ki sai-e-musalsal kaargar hoti gai
zindagi lahza-ba-lahza mukhtasar hoti gai

gham ki band muTThi mein ret saa miraa jivan
jab zaraa kasi muTThi zindagi bikharti hai

tujh se bichhaD ke ham to yahi sochte rahe
ye gardish-e-hayaat na aaegi raas kyaa