mire qarib koi khvaab kaise aa paataa — Navneet Sharma

kis ne sochaa thaa ki khud se mil kar
apni aavaaz se Dar jaanaa hai

choT khaae hue lamhon kaa sitam hai ki use
ruuh ke chehre pe dikhte hain muhaanse kitne

phone par baat hui us se to andaaza huaa
apni aavaaz mein bas aaj hi shaamil huaa main

jiyaa huun umr bhar main bhi akelaa
use bhi kyaa milaa naaraazgi se

mire andar miraa kuchh bhi nahin bas tu hai baaqi
tire andar bataa pyaare main ab kitnaa bachaa huun

ek tasvir ko haTaayaa bas
dil ki divaar khaali khaali hai

mere khvaabon ke jharokon ko sajaate rahiye
na sahi vasl magar yaad to aate rahiye

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

ye san kar meri nindein uD gai hain
koi meraa bhi sapnaa dekhtaa hai

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein