zinat-e-aghyaar kaliyaan ho gaiin — Nazeer Dahqani

jab ki pahlu se yaar uThtaa hai
dard be-ikhtiyaar uThtaa hai

kaanTe se bhi nichoD li ghairon ne bu-e-gul
yaaron ne bu-e-gul se bhi kaanTaa banaa diyaa

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

aaina khud bhi sanvartaa thaa hamaari khaatir
ham tire vaaste tayyaar huaa karte the

ye vaqt kaifiyaat se bhartaa nahin kabhi
ye jaam ikhtiyaar nahin kar rahaa huun main

zindagi sundar ghazal hai dosto
zindagi ko gungunaanaa chaahiye