un ko mahsus kyon nahin hotaa — Nazia Nazi

aane vaali ruto sabz rakhnaa qabaa
ghuncha-e-dil khizaan se pareshaan hai

guzartaa jaa rahaa hai vaqt juun juun
rag-e-jaan mein utarte jaa rahe ho

use kaho ki natija koi na niklegaa
use kaho ki mohabbat kaa imtihaan na le

nazar-andaaz karnaa to bahut aasaan hai lekin
nazar-andaaz hone se bahut taklif hoti hai

pahle apne the ab paraae hain
lafz naaraaz ho gae mujh se

jaise hiire ki kaan hoti hai
vaise alfaaz kaan ke gauhar

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

chaand ne taan li hai chaadar-e-abr
ab vo kapDe badal rahi hogi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

dil miraa zulf seti chhuT phansaa abru mein
kufr kuun tark kiyaa maail-e-mehraab huaa