qasam khudaa ki ye vaaraftagi na thi mujh mein — Nazneen Begum Naz

sadaa-bahaar ho tum aur meri qismat ho
koi bahaar na thi is bahaar se pahle

miTaa miTaa saa tasavvur hai naaz maazi kaa
hayaat-e-nau hai ab is umr-e-raaegaan se gurez

miri umr-e-guzishta ki haqiqat puchhne vaalo
mujhe vo umr umr-e-raaegaan maalum hoti hai

khalvat-e-naaz mein kuchh aur hi raunaq hoti
koi khalvat mein agar anjuman-aaraa hotaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

log kahte hain ki tum se hi mohabbat hai mujhe
tum jo kahte ho ki vahshat hai to vahshat hogi

jo kaan lagaa kar sunte hain kyaa jaanein rumuz mohabbat ke
ab honT nahin hilne paate aur pahron baatein hoti hain

ye zoraa-zori ishq ki thi fitrat hi jis ne badal Daali
jaltaa huaa dil ho kar paani aansu ban jaanaa kyaa jaane