apni aankhon ko noch Daalaa hai — Neel Ahmed

mire siine se lag kar der tak roti hai tanhaai
kisi ne kah diyaa us se mohabbat ho gai mujh ko

havaa kaa rang nahin hai magar mizaaj to hai
havaa se dosti karnaa koi mazaaq nahin

qaid kar lo mujhe khayaalon mein
is jahaan se rihaai mil jaae

apni aankhein nahin jalaaungi
main ne bujhte charaagh dekhe hain

kitne aalam guzar gae mujh par
tum ko sochaa thaa ek lamhe ko

aur phir mohabbat mein ji ke mar ke dekhaa hai
log sochte hain jo ham ne kar ke dekhaa hai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

har ek shakhs yahaan mahv-e-khvaab lagtaa hai
kisi ne ham ko jagaayaa nahin bahut din se

kunein ki samt bulaa le na koi khvaab mujhe
main apne baap kaa sab se hasin beTaa huun

kaise hon khvaab aankh mein kaisaa khayaal dil mein ho
khud hi har ek baat kaa karnaa thaa faisla mujhe

dil pareshaan ho magar aankh mein hairaani na ho
khvaab dekho ki haqiqat se pashimaani na ho