jiine vaale qazaa se Darte hain — Shakeel Badayuni

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

kaafi hai mire dil ki tasalli ko yahi baat
aap aa na sake aap kaa paighaam to aayaa

kal raat zindagi se mulaaqaat ho gai
lab thartharaa rahe the magar baat ho gai

lamhe udaas udaas fazaaein ghuTi ghuTi
duniyaa agar yahi hai to duniyaa se bach ke chal

shaguftagi-e-dil-e-kaarvaan ko kyaa samjhe
vo ik nigaah jo uljhi hui bahaar mein hai

ik khauf-e-dushmani jo taaaqub mein sab ke hai
ik harf-e-lutf jo kahin ghaaeb hai shahr mein

ham aur chaah ghair ki allaah se Daro
milte hain tum se bhi to tumhaari khushi se ham

khauf-e-mahshar na rahaa dil mein jo dekhaa main ne
pusht par mere gunaahon ke hai rahmat us ki

vo khaDaa hai ek baab-e-ilm ki dahliz par
main ye kahtaa huun use is khauf mein daakhil na ho

'zafar' aadmi us ko na jaaniyegaa vo ho kaisaa hi saahab-e-fahm-o-zakaa
jise aish mein yaad-e-khudaa na rahi jise taish mein khauf-e-khudaa na rahaa

ji khush huaa hai girte makaanon ko dekh kar
ye shahr khauf-e-khud se jigar-chaak to huaa