vo saanp jis ne mujhe aaj tak Dasaa bhi nahin — Nomaan Shauque

is baar intizaam to sardi kaa ho gayaa
kyaa haal peD kaTte hi basti kaa ho gayaa

phir is mazaaq ko jamhuriyat kaa naam diyaa
hamein Daraane lage vo hamaari taaqat se

apni aahaT pe chaunktaa huun main
kis ki duniyaa mein aa gayaa huun main

vo tanz ko bhi husn-e-talab jaan khush hue
ulTaa paDhaa gayaa, miraa paighaam aur thaa

chakh liyaa us ne pyaar thoDaa saa
aur phir zahr kar diyaa hai mujhe

bas tire aane ki ik afvaah kaa aisaa asar
kaise kaise log the bimaar achchhe ho gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

ret par ik nishaan hai shaayad
ye hamaaraa makaan hai shaayad