vo haath mein talvaar liye sar pe khaDe hain — Nooh Narvi

dil unhein deinge magar ham deinge in sharton ke saath
aazmaa kar jaanch kar sun kar samajh kar dekh kar

jab zikr kiyaa main ne kabhi vasl kaa un se
vo kahne lage paak mohabbat hai baDi chiiz

jo ahl-e-zauq hain vo lutf uThaa lete hain chal phir kar
gulistaan kaa gulistaan mein bayaabaan kaa bayaabaan mein

koi yahaan se chal diyaa raunaq-e-baam-o-dar nahin
dekh rahaa huun ghar ko main ghar hai magar vo ghar nahin

dikhaae paanch aalam ik payaam-e-shauq ne mujh ko
ulajhnaa ruThnaa laDnaa bigaDnaa duur ho jaanaa

nuuh baiThe hain chaarpaai par
chaarpaai pe nuuh baiThe hain

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

raat ko jab yaad aae teri khushbu-e-qabaa
tere qisse chheDte hain raat ki raani se ham

vo jo mere paas se ho kar kisi ke ghar gayaa
reshmi malbus ki khushbu se jaadu kar gayaa

hamesha mai-kade mein khush-qadon kaa majmaa hai
hazaaron sarv lage hain kanaar-e-ju-e-sharaab

khush-qismati se ham hain savaar us jahaaz par
saahil pe jis jahaaz kaa kaptaan rah gayaa