tujh se ab aur mohabbat nahin ki jaa sakti — Noshi Gilani

zo'm kitnaa karte ho ik charaagh par apne
aur havaa ke chalne mein der kitni lagti hai

use laakh dil se pukaar lo use dekh lo
koi ek harf javaab mein nahin aaegaa

ye aarzu thi ki ham us ke saath saath chalein
magar vo shakhs to rasta badaltaa jaataa hai

kisi harf mein kisi baab mein nahin aaegaa
tiraa zikr meri kitaab mein nahin aaegaa

main tanhaa laDki dayaar-e-shab mein jalaaun sach ke diye kahaan tak
siyaahkaaron ki saltanat mein main kis tarah aaftaab likkhun

band hoti kitaabon mein uDti hui titliyaan Daal diin
kis ki rasmon ki jalti hui aag mein laDkiyaan Daal diin

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

khuddaariyon pe ishq ki ilzaam aa gayaa
kyuun be-khudi mein lab pe tiraa naam aa gayaa

dil mubtalaa-e-hijr rifaaqat mein rah gayaa
lagtaa hai koi farq mohabbat mein rah gayaa

raat din aap charaaghon ko jalaate kyon hain
ghar charaaghon se nahin pyaar se raushan hogaa

yaad karnaa har ghaDi tujh yaar kaa
hai vazifa mujh dil-e-bimaar kaa