dil mubtalaa-e-hijr rifaaqat mein rah gayaa — Nadeem Bhabha

phir mujhe khud bhi khabar ho na saki main huun kahaan
aakhiri baar tire gaanv mein dekhaa gayaa huun

ham ghulaami ko muqaddar ki tarah jaante hain
ham tiri jiit tiri maat se nikle hue hain

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

charaagh dafn kiye the 'nadim' qabron mein
zamin se chaand numudaar ho gae saahib

ye tiri guftugu kaa lamha hai
is ghaDi hai miraa khudaa mire paas

ungliyaan pher mere baalon mein
ye miraa dard-e-sar nahin jaataa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

mohabbat mein nahin hai farq jiine aur marne kaa
usi ko dekh kar jiite hain jis kaafir pe dam nikle

ye dil kaa dard to umron kaa rog hai pyaare
so jaae bhi to pahr do pahr ko jaataa hai

'shuur' aap kaa pyaar aap ko mubaarak ho
ye pyaar kaa nahin PR kaa zamaana hai

garm mausam mein garm chaae bhi
bad-mizaajon kaa pyaar lagti hai