us se hi to chalte hain kaarobaar gulshan ke — Paraveen Rai

puchh kar kaun dil dukhaataa hai
haadse kab bataa ke hote hain

pahle zakhmon se ham navaaze gae
phir dilaasa diyaa gayaa ham ko

khaamoshi mein rahne vaale logon ko
sannaaTe ki guunj sunaai deti hai

mere ash'aar churaane vaalo
kyaa miraa dard churaa sakte ho

yuun samajhiye ghazal mukammal hai
jab mohabbat baghal mein baiThi ho

adhure rah gae ham is liye bhi
koi ham ko mukammal chaahiye thaa

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

suraj lihaaf oDh ke soyaa tamaam raat
sardi se ik parinda dariche mein mar gayaa

jab bhi miltaa hai muskuraataa hai
khvaah us kaa ho ab sabab kuchh bhi

khvaabon ki tarah aanaa khushbu ki tarah jaanaa
mumkin hi nahin lagtaa ai dost tujhe paanaa