pahle zakhmon se ham navaaze gae — Paraveen Rai

puchh kar kaun dil dukhaataa hai
haadse kab bataa ke hote hain

khaamoshi mein rahne vaale logon ko
sannaaTe ki guunj sunaai deti hai

us se hi to chalte hain kaarobaar gulshan ke
vo hi raat-raani hai vo hi gul-hazaara hai

mere ash'aar churaane vaalo
kyaa miraa dard churaa sakte ho

yuun samajhiye ghazal mukammal hai
jab mohabbat baghal mein baiThi ho

adhure rah gae ham is liye bhi
koi ham ko mukammal chaahiye thaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kisi ki yaad manaane mein iid guzregi
so shahr-e-dil mein bahut duur tak udaasi hai

hijr ki shab naala-e-dil vo sadaa dene lage
sunne vaale raat kaTne ki duaa dene lage

botalein khol kar to pi barson
aaj dil khol kar bhi pi jaae

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae