manzar-e-sarv-o-saman yaad aayaa — Pritpal Singh Betab

meri tanhaai ki pagDanDi par
mere ham-raah khudaa rahtaa hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

pahli cigarette pahlaa khvaab aur pahlaa ishq
in tinon mein ek bhi mujh ko yaad nahin

umr fariyaad mein barbaad gai kuchh na huaa
naala mashhur ghalat hai ki asar kartaa hai

yaad-e-mizhgaan mein miri aankh lagi jaati hai
log sach kahte hain suuli pe bhi niind aati hai

yaksaan kabhi kisi ki na guzri zamaane mein
yaadash-ba-khair baiThe the kal aashiyaane mein