koi shahnaai se kah do zaraa khaamosh rahe — Rafia Shabnam Abidi

mujhe to yaad hai ab tak vo kyaa zamaana thaa
tire javaab kaa mausam mire savaal ke din

miri baatein hamesha hi tumhein yunhi si lagti hain to mat sunnaa
magar kuchh ho hi jaae to na pachhtaao na ghabraao kahaa thaa naa

khud-kushi qatl-e-anaa tark-e-tamannaa bairaag
zindagi tere nazar aane lage hal kitne

kis saliqe se khayaalon ko zabaan de de kar
mujh ko us shakhs ne baaton mein lagaae rakhaa

sab se baDaa ye jurm thaa meraa isi liye badnaam hui
saari duniyaa jahaan giri thi usi moD par sanbhli main

jhaankte raat ke garebaan se
ham ne sau aaftaab dekhe hain

raushni ho rahi hai kuchh mahsus
kyaa shab aakhir tamaam ko pahunchi

shor din ko nahin sone detaa
shab ko sannaaTaa jagaa detaa hai

kahun ai zauq kyaa haal-e-shab-e-hijr
ki thi ik ik ghaDi sau sau mahine

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai