khud-kushi qatl-e-anaa tark-e-tamannaa bairaag — Rafia Shabnam Abidi

mujhe to yaad hai ab tak vo kyaa zamaana thaa
tire javaab kaa mausam mire savaal ke din

miri baatein hamesha hi tumhein yunhi si lagti hain to mat sunnaa
magar kuchh ho hi jaae to na pachhtaao na ghabraao kahaa thaa naa

kis saliqe se khayaalon ko zabaan de de kar
mujh ko us shakhs ne baaton mein lagaae rakhaa

sab se baDaa ye jurm thaa meraa isi liye badnaam hui
saari duniyaa jahaan giri thi usi moD par sanbhli main

koi shahnaai se kah do zaraa khaamosh rahe
shor achchhaa nahin lagtaa mujhe baaraaton kaa

kam-umri mein sunet hain
mar jaate hain achchhe log

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

baDe qalaq ki baat hai ki tum ise na paDh sake
hamaari zindagi to ik khuli hui kitaab thi