dil dhaDaktaa hai sar-e-raah-e-khayaal — Rasa Chughtai

jin aankhon se mujhe tum dekhte ho
main un aankhon se duniyaa dekhtaa huun

miTTi jab tak nam rahti hai
khushbu taaza-dam rahti hai

aur kuchh yuun huaa ki bachchon ne
chhinaa-jhapTi mein toD Daalaa mujhe

huiin aankhein ajab behaal ab ke
ye baarish kar gai kangaal ab ke

tujh se milne ko be-qaraar thaa dil
tujh se mil kar bhi be-qaraar rahaa

hai koi yahaan shahr mein aisaa ki jise main
apnaa na kahun aur vo apnaa mujhe samjhe

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil mein soe saare dard jagaataa hai
bin mausam ki baarish aisaa nauha hai

sang-paraston ki basti mein shisha-garon ki khair nahin hai
jin ki aankhein nuur se khaali un ke dil hain aahan aahan

itnaa badal gayaa huun ki pahchaanne mujhe
aaegaa vo to khud se guzar kar hi aaegaa

badle hue se lagte hain ab mausamon ke rang
paDtaa hai aasmaan kaa saayaa zamin par