chaand suraj zamin se ugte hain — Rauf Raheem

millat ki aabru ko milaataa hai khaak mein
leader hamaaraa kitnaa baDaa khaaksaar hai

nahin hai bahr mein be-vazn hai 'rahim' magar
hamaari shaairi sur mein hai aur taal mein hai

milegi seat election mein aap ko ik din
agar ye chamcha-gari kaamyaab ho jaae

hai bajaT ghaaTe mein jurmaane zaruri hain yahaan
is liye sarkaar meri luuT kar khaane ko hai

qaail hain zaaiqe ke gharaz kyaa hai rang se
dastar pe dekhte hi nahin ham mutton kaa rang

nurse ko dekh ke aa jaati hai munh pe raunaq
vo samajhte hain ki bimaar kaa haal achchhaa hai

vo chaand hai to aks bhi paani mein aaegaa
kirdaar khud ubhar ke kahaani mein aaegaa

muddaton baa'd kabhi ai nazar aane vaale
iid kaa chaand na dekhaa tiri surat dekhi

sunaa hai chaand ko uljhaa liyaa hai shaakhon ne
so ab charaagh darichon pe rakh diye jaaein

yakka ulaT ke rah gayaa ghoDaa bhaDak gayaa
kaali saDak pe chaand saa chehra chamak gayaa

vahaan iid kyaa vahaan diid kyaa
jahaan chaand raat na aai ho

iid ke baa'd vo milne ke liye aae hain
iid kaa chaand nazar aane lagaa iid ke baad