aaj qaatil kaa gale par mire khanjar chamkaa — Raunaq Tonkvi

uD jaaungaa bahaar mein maanind-e-bu-e-gul
zanjir mere paa-e-junun mein hazaar Daal

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

usi ke honTon ke phuul baab-e-qubul chumein
so ham uThaa laaein ab ke harf-e-duaa usi kaa

abhi chhiDe hi na the tazkire bahaaron ke
shuaa-e-husn se suljhe na the dimaagh abhi

ham to us vaqt samajhte hain ki aati hai bahaar
dasht se jab koi jhankaar si aa jaati hai