she'r-goi hai shaghl-e-'aql miyaan — Riasath Ali Asrar

chaandni surkh si dikhaai de
ye moharram kaa chaand hai 'asraar'

ham na aae junun ke bas mein kabhi
ye garebaan khirad ne chaak kiyaa

be-karaan dasht-e-tasavvur mein bhaTakne ke nuqush
mauj-dar-mauj saraabon se ubharte honge

aap ham se judaa nahin hote
aap par ikhtiyaar hai koi

kyaa us se bichhaDte ki mile hi na the jis se
ik-tarfa mohabbat ke bhi hain zaaviye kyaa kyaa

mahv hain hazrat-e-khayaal apne
haal-e-dil mein muraaqiba baandhe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gulaabon ke honTon pe lab rakh rahaa huun
use der tak sochnaa chaahtaa huun

maango samundaron se na saahil ki bhiik tum
haan fikr o fan ke vaaste gahraai maang lo

jo kahtaa thaa tire bin mar rahaa huun
vo kaise ji rahaa hai sochtaa huun

us ne puchaa thaa kyaa haal hai
aur main sochtaa rah gayaa