us ne puchaa thaa kyaa haal hai — Ajmal Siraj

ye bhi tai hai ki jo boeinge vo kaaTeinge yahaan
aur ye bhi ki jo khoeinge vahi paaeinge

bas ek shaam kaa har shaam intizaar rahaa
magar vo shaam kisi shaam bhi nahin aai

ab aap khud hi bataaein ye zindagi kyaa hai
karam bhi us ne kiye hain magar sitam jaise

kyaa kahegaa kabhi milne bhi agar aaegaa vo
ab vafaadaari ki qasmein to nahin khaaegaa vo

ye jo ham khoe khoe rahte hain
is mein kuchh dakhl hai tumhaaraa bhi

main ne ai dil tujhe siine se lagaayaa huaa hai
aur tu hai ki miri jaan ko aayaa huaa hai

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gulaabon ke honTon pe lab rakh rahaa huun
use der tak sochnaa chaahtaa huun

maango samundaron se na saahil ki bhiik tum
haan fikr o fan ke vaaste gahraai maang lo

gaaDi mein bhi ghar ko soche jaataa huun
gaaDi aage aur main pichhe jaataa huun

ikaTThe kar ke teri dusri tasvir khinchungaa
vo sab jalve jo chhan chhan kar tiri chilman se nikleinge