khvaab saare takiye pe chain ki hon sote niind — Saeed Rahi

dost ban ban ke mile mujh ko miTaane vaale
main ne dekhe hain kai rang zamaane vaale

tum nahin gham nahin sharaab nahin
aisi tanhaai kaa javaab nahin

gaahe gaahe ise paDhaa kijiye
dil se behtar koi kitaab nahin

rusvaai to vaise bhi taqdir hai aashiq ki
zillat bhi mili ham ko ulfat ke fasaane se

mere jaise ban jaaoge jab ishq tumhein ho jaaegaa
divaaron se sar Takraaoge jab ishq tumhein ho jaaegaa

main na piitaa to tiraa likhkhaa ghalat ho jaataa
tere likkhe ko nibhaayaa kyaa khataa ki main ne

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

nae daur ke nae khvaab hain nae mausamon ke gulaab hain
ye mohabbaton ke charaagh hain inhein nafraton ki havaa na de

jis jaa makin banne ke dekhe the main ne khvaab
us ghar mein ek shaam ki mehmaan bhi na thi

pheinkaa thaa kis ne sang-e-havas raat khvaab mein
phir DhunDhti hai niind usi pichhle pahr ko

bas ki hai pesh-e-nazar past-o-buland-e-aalam
Thokarein khaa ke miri aankhon mein khvaab aataa hai