tum nahin gham nahin sharaab nahin — Saeed Rahi

dost ban ban ke mile mujh ko miTaane vaale
main ne dekhe hain kai rang zamaane vaale

gaahe gaahe ise paDhaa kijiye
dil se behtar koi kitaab nahin

rusvaai to vaise bhi taqdir hai aashiq ki
zillat bhi mili ham ko ulfat ke fasaane se

mere jaise ban jaaoge jab ishq tumhein ho jaaegaa
divaaron se sar Takraaoge jab ishq tumhein ho jaaegaa

main na piitaa to tiraa likhkhaa ghalat ho jaataa
tere likkhe ko nibhaayaa kyaa khataa ki main ne

khvaab saare takiye pe chain ki hon sote niind
'mir' ji ke jaisaa hi rog ham ne paalaa ho

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hai yahaan kis ko dimaagh anjuman-aaraai kaa
apne rahne ko makaan chaahiye tanhaai kaa

main kyaa kahun us naghma-e-mastur ki tasvir
aavaaz se khinchi hai tiri nuur ki tasvir

uThaa tu jaa bhi chukaa thaa ajiib mehmaan thaa
sadaaein de ke mujhe niind se jagaa bhi gayaa