gaahe gaahe ise paDhaa kijiye — Saeed Rahi

dost ban ban ke mile mujh ko miTaane vaale
main ne dekhe hain kai rang zamaane vaale

tum nahin gham nahin sharaab nahin
aisi tanhaai kaa javaab nahin

rusvaai to vaise bhi taqdir hai aashiq ki
zillat bhi mili ham ko ulfat ke fasaane se

mere jaise ban jaaoge jab ishq tumhein ho jaaegaa
divaaron se sar Takraaoge jab ishq tumhein ho jaaegaa

main na piitaa to tiraa likhkhaa ghalat ho jaataa
tere likkhe ko nibhaayaa kyaa khataa ki main ne

khvaab saare takiye pe chain ki hon sote niind
'mir' ji ke jaisaa hi rog ham ne paalaa ho

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

ham kahaan sanbhle bichhaD kar us se haan kah sakte ho
dil lagaane ki sazaa hai dil lagaane ki sazaa