hamein maashuq ko apnaa banaanaa tak nahin aataa — Safi Aurangabadi

khubsurat hai vahi jis pe zamaana rijhe
yuun to har ek ko hai apni hi surat achchhi

mah-jabin iid mein angusht-numaa kyuun na rahein
iid kaa chaand hi angusht-numaa hotaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

mujh ko jannat ke nazaare bhi nahin jachte hain
shahr-e-jaanaan hi tasavvur mein basaa hai saahab

had-e-imkaan se aage main jaanaa chaahtaa huun par
abhi imaan aadhaa hai abhi laghzish adhuri hai

tum se kahaa thaa baam pe mat jaanaa aaj shaam
dekhaa naan saare shahr ki to eid ho gai

jo tum ko dekh ke talvaar pheink duun apni
to mere qatl mein shaamil zarur ho jaanaa