ronaa mujhe khizaan kaa nahin kuchh magar 'shamim' — Safiya Shamim

jis ko dil se lagaa ke rakkhaa thaa
vo khazaana luTaa gae aansu

dasht gulzaar huaa jaataa hai
kyaa yahaan ahl-e-vafaa baiThe the

hosh aayaa to kahin kuchh bhi na thaa
ham bhi kis bazm mein jaa baiThe the

honaa hai dard-e-ishq se gar lazzat-aashnaa
dil ko kharaab-e-talkhi-e-hijraan to kijiye

bahaar-e-nau ki phir hai aamad aamad
chaman ujDaa koi phir ham-nafas kyaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

maarka garm to ho lene do khun-rezi kaa
pahle shamshir ke niche hamin jaa baiTheinge

gul kiyaa jis ne vo thaa aur magar
shama ne shikva havaaon se kiyaa

'chandaa' rahe partav se tire yaa ali raushan
khurshid ko hai dar se tire shaam-o-sahar faiz

bas ai girya aankhein tiri kyaa nahin hain
kahaan tak jahaan ko Dubotaa rahegaa