dasht gulzaar huaa jaataa hai — Safiya Shamim

jis ko dil se lagaa ke rakkhaa thaa
vo khazaana luTaa gae aansu

ronaa mujhe khizaan kaa nahin kuchh magar 'shamim'
is kaa gila hai aai chaman mein bahaar kyuun

hosh aayaa to kahin kuchh bhi na thaa
ham bhi kis bazm mein jaa baiThe the

honaa hai dard-e-ishq se gar lazzat-aashnaa
dil ko kharaab-e-talkhi-e-hijraan to kijiye

bahaar-e-nau ki phir hai aamad aamad
chaman ujDaa koi phir ham-nafas kyaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

aisaa na ho ki dosti bhi jaae haath se
ham haath mein gulaab liye sochte rahe

ye aarzu ke sitaare ye intizaar ke phuul
chamak rahi hain khataaein mahak rahe hain gunaah

zarur teri gali se guzar huaa hogaa
ki aaj baad-e-sabaa be-qaraar aai hai