mahfil-aaraai hamaari nahin ifraat kaa naam — Sahar Ansari

ajiib hote hain aadaab-e-rukhsat-e-mahfil
ki vo bhi uTh ke gayaa jis kaa ghar na thaa koi

tang aate bhi nahin kashmakash-e-dahr se log
kyaa tamaashaa hai ki marte bhi nahin zahr se log

ham ko jannat ki fazaa se bhi ziyaada hai aziiz
yahi be-rang si duniyaa yahi be-mehr se log

jise guzaar gae ham baDe hunar ke saath
vo zindagi thi hamaari hunar na thaa koi

shikva-e-talkhi-e-haalaat bajaa hai lekin
is pe rotaa huun ki main ne bhi rulaayaa hai tujhe

ye marnaa jiinaa bhi shaayad majburi ki do lahrein hain
kuchh soch ke marnaa chaahaa thaa kuchh soch ke jiinaa chaahaa hai

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

mujh ko khvaabon ke baagh mein laa kar
ghane jangal mein kho rahi hai raat

kuchh to tanhaai ki raaton mein sahaaraa hotaa
tum na hote na sahi zikr tumhaaraa hotaa

apni gharaz ko aae the vo raat 'mushafi'
le kar miri baghal se miraa dil ravaan hue