aaj kuaan bhi chikh uThaa hai — Sahil Ahmad

kyuun chamak uThti hai bijli baar baar
ai sitamgar le na angDaai bahut

sher guphaa se niklegaa
shor machegaa jangal mein

ro paDin aankhein bahut 'saahil' miri
jab kisi ne haath sar par rakh diyaa

bakri ''mein-mein'' karti hai
bakraa zor lagaataa hai

kal talak sahraa basaa thaa aankh mein
ab magar kis ne samundar rakh diyaa

ab ke vo aise safar par kyaa gae
phir dobaara lauT kar aae nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ret par ik nishaan hai shaayad
ye hamaaraa makaan hai shaayad

pyaaso raho na dasht mein baarish ke muntazir
maaro zamin pe paanv ki paani nikal paDe

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein