chingaariyaan na Daal mire dil ke ghaao mein — Saif Zulfi

kaaghaz pe ugal rahaa hai nafrat
kam-zarf adiib ho gayaa hai

ehsaas mein shadid talaatum ke baavajud
chup huun mujhe sukun mayassar ho jis tarah

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

vafaa ki pyaar ki gham ki kahaaniyaan likh kar
sahar ke haath mein dil ki kitaab detaa huun

tumhaari bazm se tanhaa nahin uThaa 'khurshid'
hujum-e-dard kaa ik qaafila rikaab mein thaa