har lafz-e-aarzu mein jhalak un ki aa gai — Saifi Azmi

aankh nam rukh par udaasi dard bhi dil ke qarib
kyaa mohabbat aa gai hai apni manzil ke qarib

kaash itnaa hi samajh lete ye ahl-e-kaarvaan
faasle baDh jaate hain sahmi hui raftaar se

khushi se phulein na ahl-e-sahraa abhi kahaan se bahaar aai
abhi to pahunchaa hai aablon tak miraa mazaaq-e-barhana-paai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

dekh rahaa thaa jaate jaate hasrat se
soch rahaa hogaa main us ko rokungaa

naa-umidi baDh gai hai is qadar
aarzu ki aarzu hone lagi

dil bhi rakhtaa huun kuchh tamannaa bhi
muntazir huun tire ishaaron kaa

kahnaa kisi kaa subh-e-shab-e-vasl naaz se
hasrat tumhaari jaan hamaari nikal gai