dekh rahaa thaa jaate jaate hasrat se — Abdur Rahim Nashtar

phir ik nae safar pe chalaa huun makaan se
koi pukaartaa hai mujhe aasmaan se

vo so rahaa hai khudaa duur aasmaanon mein
farishte loriyaan gaate hain us ke kaanon mein

main teri chaah mein jhuTaa havas mein sachchaa huun
buraa samajh le magar dusron se achchhaa huun

aavaaz de rahaa hai akelaa khudaa mujhe
main us ko sun rahaa huun havaaon ke kaan se

vo ajnabi tiri baanhon mein jo rahaa shab bhar
kise khabar ki vo din bhar kahaan rahaa hogaa

main bhi taalaab kaa Thahraa huaa paani thaa kabhi
ek patthar ne ravaan dhaar kiyaa hai mujh ko

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

hans magar hansne se pahle soch le
ye na ho phir umr bhar ronaa paDe

quvvat-e-fikr bhi di aise ki ik had mein raho
yaani be-kaar samajhdaar banaae gae ham

khiDkiyaan khol luun har shaam yunhi sochon ki
phir usi raah se yaadon ko guzartaa dekhun

mujhe hai fikr khat bhejaa hai jab se us gul-e-tar ko
hazaaron bulbulein rokeingi rassi mein kabutar ko