aankh nam rukh par udaasi dard bhi dil ke qarib — Saifi Azmi

har lafz-e-aarzu mein jhalak un ki aa gai
un ko nikaaltaa hi rahaa daastaan se main

kaash itnaa hi samajh lete ye ahl-e-kaarvaan
faasle baDh jaate hain sahmi hui raftaar se

khushi se phulein na ahl-e-sahraa abhi kahaan se bahaar aai
abhi to pahunchaa hai aablon tak miraa mazaaq-e-barhana-paai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

aansu tumhaari aankh mein aae to uTh gae
ham jab karam ki taab na laae to uTh gae

navaaztaa thaa hamesha vo gham ki daulat se
aur is khazaane se main maalaa maal ho hi gayaa

gham ki band muTThi mein ret saa miraa jivan
jab zaraa kasi muTThi zindagi bikharti hai